ಕವನ ೧

 **ಶ್ರೀ ಗಣೇಶಾಯ ನಮಃ**

**ಗಣಪ**

ಬಾರೋ ಗಣಪನೆ

ಗೌರಿಯ ಪುತ್ರನೆ

ಗಣನಾಯಕನೆ

ಈಶಪುತ್ರನೆ ಬಾ

ವಿದ್ಯಾಬುಧ್ಧಿಯ

ಆರೋಗ್ಯಸಂಪದವ

ಕೈಗಳ ಮುಗಿಯುತ

ನಾ ಬೇಡುವೆ ಬಾ

ಎಲ್ಲರ ಮನೆಯಲಿ

ಪ್ರೀತಿ ಸಂಭ್ರಮದಿಂದಲಿ

ಪೂಜೆಗೊಳ್ಳುವನೆ

ನಿನಗೆ ದೀಪವನೆತ್ತುವೆ ಬಾ

ಎಲ್ಲರ ಮನಸಿನ

ಕಲ್ಮಶಗಳನು ತೊಡೆಯುವ

ಪಾಶಾಂಕುಶಧರನೆ

ನಿನಗೆ ಧೂಪವ ತೋರುವೆ ಬಾ

ಎಳ್ಳುಂಡೆ ಕಡಬು

ಕಜ್ಜಾಯ ಚಕ್ಕುಲಿ

ಹಲವಿಧ ಫಲಗಳ

ನಿನಗೆ ನೀಡುವೆ ಬಾ

ಎಲ್ಲರಿಗೂ ಆರೋಗ್ಯ

ಸಂಪತ್ತು ಕೊಡೆಂದು

ಬೇಡುತ ನೈವೇದ್ಯವನು

ನಿನಗೆ ಕೊಡುವೆನು ಬಾ

ತಾಯಿಯ ಜೊತೆಯಲಿ

ಮುದ್ದಾಗಿ ಬಂದು ಕೂತ

ಲಂಬೋದರನೆ

ನಿನಗೆ ಆರತಿಯನ್ನೆತ್ತುವೆ ಬಾ

ಮತ್ತೆ ಮತ್ತೆ ನಿನಗೆ ನಾ

ವಂದಿಸಿ ಬೇಡುವೆ

ವಿಘ್ನಗಳೆಲ್ಲವ ಪರಿಹರಿಸೆನ್ನುತ

ವಿಘ್ನ ನಿವಾರಕನೆ ಬಾ

✍️ವಸುದಾ